የፍትህ ያለህ ፤ እኔም እጠይቃለሁ !!

እስክንድር ነጋን ጨምሮ የባልደራስ አመራሮች በእስር ላይ ሲማቅቁ አመት አለፈ። እነዚህ የፓለቲካ መሪዎች ከታሰሩ ጀምሮ አንድ አመት ሙሉ ያለ ምንም ፍርድ ታስረዋል። ይህ ድርጊት በኢትዮጵያም ሆነ በአለም አቀፍ ህግ ተቀባይነት የለውም። አንድ ሰው በያዘው የፓለቲካ አመለካከት ሊሞገት እንጂ ሊታሰር አይገባም። ሃገራችን አማራጭ ፓሊሲ አለን ያሉትን ሁሉ ስታስር ነው የኖረችው።

ከዚህ የተነሳ መድብለ ፓርቲ ስርአታችን ሳይጀመር ሳያድግ ቀረ። ይህቺ ሃገር የሁላችን ሆና ሳለ መንግስት ተቋማትን እየተጠቀመ ተቃዋሚዎችን ማሰር ማንገላታት አይችልም። በተለይ አሁን ሁሉን አቀፍ ውይይት እርቅ እንዲመጣ በፓለቲካ አመለካከታቸው የታሰሩትን የባልደራስ አመራሮች መንግስት ይፍታ። እነዚህ መሪዎች ሰላማዊ ትግላቸውን ይቀጥሉ። ፍትህ ለእስክንድር ነጋ! ፍትህ ለስንታየሁ ቸኮል! ፍትህ አስቴር ስየም ፍትህ ለአስካለ ደምሌና ፍትህ በፓለቲካ አመለካከታቸው ለታሰሩ ሁሉ!

አቶ ገለታው ዘለቀ