ባልደራስ ለእውነተኛ ዲሞክራሲ ፓርቲ ጠቅላላ ጉባኤውን እንዲያካሂድ ውሳኔ ተላለፈ

 

በቀን 20/03/2015 ዓ.ም በቁጥር አ1162/11/782 በብሔራዊ ምርጫ ቦርድ በተፃፈ ደብዳቤ ፓርቲው ሊያደርግ ያቀደው ጠቅላላ ጉባኤ ማካሄድ እንዲችል በፓርቲው መተዳደሪያ ደንብ መሰረት አይቶ ውሳኔ ሰጥቷል፡፡ እንዲሁም የፓርቲው ም/ፕሬዚዳንት አቶ አመሃ ዳኜው ምክትል ፕሬዚዳንትነት በፓርቲው ህገ ደንብ መሰረት የተከናወነ መሆኑን በማረጋገጡ ብሔራዊ ምርጫ ቦርድ እውቅና ሰጥቶታል፡፡

 

በመሆኑም በሀገር ውስጥም ሆነ ከሀገር ውጭ የምትገኙ አባላትና ደጋፊዎቻችን እንኳን ደስ አላችሁ እያልን፤ ጉባኤው የሚካሄድበትን ቀን በቀርቡ የምንገልፅ መሆኑን እናሳውቃለን፡፡ በተጨማሪም ፓርቲያችን እንደዚህ ቀደሙ ለጉባኤው መሳካት የምታደርጉትን ጥረት፣ ድጋፍና አስተዋጽኦ አጠናክራችሁ እንድትቀጥሉ ጥሪ እናቀርባለን፡፡

 

ድል ለዲሞክራሲ!!!