የሀሰት ክስ ቀርቦባቸው በግፍ እስር ላይ የሰነበቱት የባልደራስ ፓርቲ የምክርቤት አባላት፣ አቶ ሳሙኤል ዲሜትሪ እና አቶ ፋሲል ማሞ ከነበሩበት የግፍ እስር በዛሬው እለት ተለቀዋል።
ፖሊስ ዛሬ በዋለው ችሎት የግፍ እስረኞቹ ላይ በድጋምል ተጨማሪ 14 ቀናት የምርመራ ቀናትን የጠየቀ ቢሆንም፣ የግፍ እስረኞቹ ጠበቆች ይህንን ተቃውመው ተከራክረዋል። ፍ/ቤቱም የግራ ቀኙን የሰማ ሲሆን፣ የፖሊስን ጥያቄ ውድቅ በማድረግ የግፍ እስረኞቹ እያንዳንዳቸው በ15 ሺህ ብር ዋስ እንዲወጡ ወስኗል።
በዚህም መሰረት በግፍ እስር ላይ የቆዩት አቶ ሳሙኤል ዲሜትሪ እና አቶ ፋሲል ማሞ ዛሬ ከቤተሰቦቻቸው ጋር ተቀላቅለዋል።
የግፍ እስረኞች ይፈቱ!
በግፍ እስር ላይ ይሚገኙት የባልደራስ ለእውነተኛ ዲሞክራሲ ፓርቲ የወጣቶች ዘርፍ ኃላፊ እና የስራ አስፈፃሚ አባል አቶ ናትናኤል ያለምዘውድ ለዛሬ ፍ/ቤት እንደሚቀርቡ መዘገባችን ይታወሳል። በቀጥሯቸው መሰረትም ዛሬ ሰኔ 5/2016 ዓ.ም በአራዳ ምድብ የጊዜ ቀጠሮ ችሎት ቀርበዋል።
ችሎቱ ከትላንት በስቲያ ፖሊስ የጠየቀውን የ14 ቀናት የምርመራ ጊዜና የእስረኞች ጠብቆች ያቀረቡትን መቃወሚያ መርምሮ ብይን ለመስጠት ነበር የተሰየመው። በዚህም መሰረት ፍ/ቤቱ በእነ አቶ ናትናኤል ያለምዘውድ ላይ ተጨማሪ 12 ቀናት የምርመራ ጊዜ ፈቅዶባቸዋል።
ባልደራስ ለእውነተኛ ዲሞክራሲ ፓርቲ በስራ አፈፃሚ አባሉ አቶ ናትናኤል ያለምዘውድ ፣ በሚዲያ ክፍል ጋዜጠኛው ወንድምነው አድማስ እንዲሁም በሌሎች የግፍ እስረኞች ላይ እየደረሰ የሚገኘውን በደል እና ኢ-ሠብአዊ ድርጊት አጥብቆ ያወግዛል። በአስቸኳይ እንዲፈቱም ያሳስባል።
የግፍ እስረኞች ይፈቱ!
