ዶ/ር ንጋት አስፋው

#ካዛንቺስ ምርጫ ክልል 15

በምርጫ መሪ ይሾማል፣ መሪ ከሥልጣኑ ይወርዳል።ይህ ስልጡን አካሄድ ነው !

ዶ/ር ንጋት አስፋው እባላለሁ፡፡ Academic Rank ረዳት ፕ/ር ነኝ፡፡ የተወለድኩት አዲስ አበባ ከተማ፡፡ 1ኛ እና 2ኛ ደረጃ ትምህርቴን ያጠናቀኩጽ አዲስ አበባ ነው፡፡ የመጀመሪያ ድግሪዬን በባሕር ዳር ኮሌጅ አጠናቅቄያለሁ፡፡ የድህረ ምረቃ ትምህርቴን በአውሮፓ በማኒጅመንት የትምህርት ዘርፍ ጨርሻለሁ፡፡

የሥራ መስክ፤
በአዲስ አበባ ዩኒቨስርቲ እና በዩኒቲ ዩኒቨርስቲ በመምህርነት ሰርቻለሁ፡፡ እንዲሁም በተለያዩ የሙያ ዘርፎች በሃላፊነት አገልግያለሁ፡፡ ሕዝባዊ ተሳትፎ፤ ከምኖርበት ወረዳ እስከ አዲስ አበባ አቀፍ በተለያዩ የልማት ዘርፎች በአስተባባሪነት ሰርቻለሁ፡፡

በአሁኑ ወቅትም በ6ኛው ሀገራዊ ምርጫ የፖለቲካ ድርጅቴ ባልደራስ ለእውነተኛ ዲሞክራሲ ፓርቲ ለተወካዮች ም/ቤት ዕጩ ተወዳዳሪ አድርጎ መርጦኛል፡፡ የምወዳደረውም በአዲስ አበባ ከተማ በምርጫ ወረዳ 15 ቂርቆስ ክፍለ ከተማ ነው፡፡ በመሆኑም የሕዝብ ዲሞክራሲያዊ መብት የሚረጋገጠው በምርጫ ብቻ ነው፡፡

በምርጫ መሪ ይሾማል፡፡ በምርጫ መሪ ከሥልጣኑ ይወርዳል፡፡ ይህ ስልጡን አካሄድ ነው፡፡

ስለዚህ የኢትዮጵያ ሕዝብ በአሁኑ ወቅት ኢትዮጵያ በፖለቲካ፤ በኢኮኖሚና በማህበራዊ ዘርፍ ክንውኖች እምን ደረጃ ላይ እንዳለች መላው የኢትዮጵያ ህዝብ ጠንቅቆ ያውቃል፡፡ በተለይም የአዲስ አበባ ሕዝብ፡፡ እድሜያችሁ ለምርጫው የደረሰ ሁሉ ጊዜ ሳትወስዱ ከላይ ለተጠቀሱት ውስብስብ የሀገራችን ሁኔታዎች መልስ ለመስጠት የምርጫ ካርድ ማውጣት ወሳኝ ነው፡፡

በምርጫ ካርድዎ መብትዎን ያስከብሩ።
የሰጡት ድምጽ በትክክል መተግበሩን በቅርበት ይከታተሉ።
ባልደራስ ለእውነተኛ ዲሞክራሲ ፓርቲ ያሸንፋል።

ድል ለኢትዮጵያ ሕዝብ፡፡

ሰላም ለኢትዮጵያ ሕዝብ ይሁን !!!