ፅጌረዳ ቀለመወርቅ

#አዲስ_ከተማ ክፍለ ከተማ ምርጫ ክልል 5

ከተማዬን በባለቤትነት ለማስተዳደር እኔ ትክክለኛ ሰው
እንደሆንኩ አምናለሁ !!

ፅጌረዳ ቀለመወርቅ እባላለው አዲስ አበባ ተወልጄ ያደኩ እንዲሁም በኦሮሚያ ክልል 3 አመታት በደቡብ ክልል 2 አመታት አገሬን በታማኝነት ህዝቤን በቅንነት አገልግያለሁ፡፡ በአገሪቱ ከሚነገሩ በርካታ ቋንቋዎች ውስጥ አማርኛ፣ አፋን ኦሮሞ እንዲሁም ጉራጌኛን በመግባቢያነት እጠቀማለው፡፡

በአሁኑ ሰአት በከተማችን አዲስ አበባ ተፅእኖ ፈጣሪ ከሆነው እና ብዙዎች በጉጉት ለመምረጥ የምርጫውን ቀን ብቻ በሚጠብቁት በባደራስ ለእውነተኛ ዲሞክራሲ ፓርቲ እጩ ነኝ፡፡ የምርጫ ቦታዬ አዲስ ከተማ ክፍለ ከተማ ምርጫ ክልል 5 ሲሆን ለተወካዮች ምክር ቤት ሴት እጩ ተወዳዳሪ ነኝ፡፡

ከተማዬን በባለቤትነት ለማስተዳደር እኔ ትክክለኛ ሰው እንደሆንኩ አምናለሁ፡፡ ምክንያቱም በከተማዋ የሚታየው የፍትህ፣ የሰላም ፣ የቤት፣ የመልካም አስተዳደር የትራንስፖርት ፣ የስራ አጥነት ችግር ውስጥ የለፍኩ እና በማለፍ ላይ የምገኝ የከተማዋ የህዝብ ልጅ ነኝ፡፡

እኔን ቢመርጡ ከተማዋን በልጆቿ የማስተዳደርና የከተማዋ ባለቤትነትዎን የማረጋገጥ እድል ያገኛሉ፡፡ በተጨማሪም ከልጆችዎ ጋር በመሆን የከተማዋን ዘርፈ ብዙ ችግሮች በጋራ ለመሥራት እና የራስዎን ከተማ በራስዎ ለማሳደግ ከእድገቷም ፍትሀዊ ተጠቃሚ ለመሆን እንዲሁም አልፎ በዙሪያዋ ካሉት ሕዝቦች ጋር በጋራ ሰርቶ የኔ የኛ የሚለውን እና ልዩ ጥቅም በሚል የሚያነታርከውን ድህነት ወለድ ጥያቄ በዘለቄታው ለልጅ ልጆቻችን እረፍት በሚሰጥ መልኩ ይመልሳሉ፡፡

የምርጫ ካርድ አሁኑኑ በአቅራቢያው በሚገኝ የምርጫ ጣቢያ በመሄድ ያውጡ ፤ ለመራጭነት ይመዝገብ።

ሰላም ለናንተ ይሁን
አመሰግናለሁ፡፡