ዶ/ር ወንዳጥር ንጋቱ

አዲስ አበባ ምርጫ ክልል 24

አዲስ አበባን ለማዳን የምርጫ ካርድ መያዝ ወሳኝ ነው !

ዶ/ር ወንዳጥር ንጋቱ አራጋው እባላለሁ።የህዝብ ተወካዮች ምክር ቤት ዕጩ ስሆን የምወዳደረው በአዲስ አበባ ምርጫ ክልል 24 ነው። ብትመርጡኝ የአዲስ አበባ ነዋሪዎችን በእኩል፣ በፍትህ፣ በሰላምና በዲሞክራሲ እንዲተዳደሩ እታገላለሁ።

የፒ. ኤች. ዲ. ዲግሪዪን እንግሊዝ ሀገር ከሚገግኘው ዋርዊክ ዩንቨርስቲ አግኝቻለሁ። በምርምርና ማስተማር ሙያዎች ከ30 አመት በላይ አገሬን አገልግያለሁ። በሙያዩ ከ35 በላይ ችግር ፈች የሆኑ ምርምሮችን በውጭና አገር ውሳጥ ጆርናሎች ለማሳተም በቅቻለሁ። በዩንቨርስቲ ደረጃ 4 የትምህርት አጋዥ መጽሃፍት ለማሳተም በቅቻለሁ። በተለያዩ የሙያና በጎ አድራጎት ድርጅቶች በማገልገል እገኛለሁ።

አዲስ አበባም በእውነተኛ ልጆችዋ እንድትመራና ለዘመናት የደረሰባትን ስብራት እንድትታከም፤ የህዝቡም ጥያቄዎች በአግባቡ እንዲመለስ ለማድረግ የመጨረሻ ምዕራፍ የደረስንበት ጊዜ ላይ እንገኛለን። ስለዚህ አዲስ አበባን በሰላማዊ መንገድ ብቻ ለማዳን የምትፈልጉ የከተማችን ነዎሪዎች በሙሉ የትግላችን ማሳረጊያ የሆነውን ምርጫ ለማከናወን የመራጮች መመዝገቢያ ጥቂት ቀናት ብቻ ቀርቶታል።

በመሆኑም አዲስ አበባን ለማዳን የምርጫ ካርድ መያዝ ወሳኝ ጉዳይ በመሆኑ እንድታወጡ፤ በምርጫው እለትም ባልደራስ ያቀረባቸውን የከተማው ነዎሪ ህዝብ እውነተኛ እጩ ተወካዬች በመምረጥ ሀገራዊ ግዴታዎን ይወጡ ዘንድ በአክብሮት መልዕክቴን አስተላልፋለሁ።

ድል ለእውነተኛ ዲሞክራሲ !!!