ዶ/ር ቴዎድሮሥ ኃይለማርያም

#በኮልፌ ቀራንዮ ክፍለ ከተማ የምርጫ ክልል 25

አዲስ አበባ ልጆችሽን ተቀበይን!!

ዶ/ር ቴዎድሮሥ ኃይለማርያም እባላለሁ። ዘንድሮ በሚደረገው በስድስተኛው ሀገራዊ ምርጫ በባልደራስ ለእውነተኛ ዴሞክራሲ ፓርቲ እጩነት በኮልፌ ቀራንዮ ክፍለ ከተማ የምርጫ ክልል 25 ለተወካዮች ም/ቤት እወዳደራለሁ። ተወልጄ ያደግሁት በአዲስ አበባ በልደታና ኮልፌ ቀራንዮ ነው። በኮልፌ መለስተኛና በጄነራል ዊንጌት ት/ቤት የሁለተኛ ደረጃ ትምህርት ተከታትያለሁ። የከፍተኛ ትምህርት በእርሻ ፣ በንግድ ስራና በማህበራዊ ሳይንስ ዘርፎች ሰልጥኛለሁ። የዶክትሬት ዲግሪዬን የሰራሁት በታሪክ ሲሆን በሀገሪቱ ባሉ ትላልቅ ዩኒቨርሲቲዎች ውስጥ ለበርካታ አመታት በማስተማርና በምርምር ስራ አሳልፌያለሁ።

የኮልፌ ቀራንዮ ክፍለ ከተማን በተለይ ጦር ኃይሎች ፣ ቀራንዮ ፣ ጅማ ሰፈር ፣ ሉካንዳ ተራ ፣ አስራ ስምንት ፣ አጠና ተራ፣ ብርጭቆ ፣ ዊንጌት ፣ አስኮ ችግሩንና ተግዳሮቶቹን ጠንቅቄ እገነዘባለሁ። ለመፍትሄው ከባልደራስ የተሻለ አማራጭ ያለው ፓርቲ እንደሌለ በሙሉ ልብ እመሰክራለሁ። ልጃችሁ ፣ ወንድማችሁ ነኝ ብትመርጡኝ ራሳችሁን ትወክላላችሁ።

ለመምረጥ ዝግጁ ይሁኑ ፣ ካርድዎን ዛሬውኑ ያውጡ! ባልደራስን ይምረጡ! !!

ድል ለአዲስ አበባ ህዝብ !

ድል ለእውነተኛ ዴሞክራሲ!!!