የሐዘን መግለጫ
የአንጋፋውን የኢትዮጵያ ቋንቋዎች ሊቅ፣ የፕሮፌሰር ጌታቸው ኃይሌን ሕልፈተ ሕይወት የሰማነው፣ በጥልቅ የሐዘን ስሜት ነው፡፡ ፕሮፌሰር ጌታቸው ኃይሌ፣የኢትዮጵያ፡ቁዋንቁዎችንና ፡ሥነጽሑፍ እንዲኹም ታሪክ አስመልክተው ፣አያሌ የጥናትና የምርምር መጻሕፍትን ያበረከቱ ብርቅ፡ኢትዮጵያዊ፡ምሁር፡ነበሩ።
የቋንቋ ፣የሥነ ጽሑፍ፣የታሪክና የሥነመለኮት ሊቁ ፕሮፌሰር ጌታቸው ኃይሌ፣ በተለያዩ አገራዊና አህጉራዊ የፖለቲካ እድገት አስተዳደርና ዴሞክራሲያዊ ነክ ጉዳዮች ላይ ይሰጡዋቸው፡በነበሩቱ በሳል ሀሳቦቻቸው እና ትችቶቻቸው ይታወቁ፡ነበር።
እኚህ ሀገራቸውን ወዳድ፣ ዓለም አቀፋዊ ምሁር ፕሮፌሰር ጌታቸው ኃይሌ፣ የባልደራስ ለእውነተኛ ዲሞክራሲ ፓርቲ
አማካሪ ምክር ቤት አባላት መካካል አንዱ በመሆን፣ ለፖርቲያችን ያበረከቱት አስተዋጽዖ እጅግ የጎላ ነበር ። ለዚህም አኩሪ ተግባራቸው፣ ፓርቲያችንና ታሪክ፣ኹሌም ስማቸውን በክብር ሲያወሳ ይኖራል። ስለኾነም፣ የባልደራስ ለእውነተኛ ዲሞክራሲ ፓርቲ፣ በመላው የፓርቲው አባላትና ደጋፊዎቹ ስም፣በፕሮፌሰር ጌታቸው ኃይሌ ሕይወት ማለፍ የተሰማውን ልባዊ ሐዘን እየገለጸ፣ለነፍሳቸው እረፍትን፣ ለቤተሰቦቻቸውና ወዳጆቻቸው ደግሞ የልብ፡መፅናናትን ይመኛል።
የባልደራስ ለእውነተኛ ዲሞክራሲ ፓርቲ
